Diben PAVO yw cefnogi a meithrin capasiti grwpiau lleol, felly byddem wrth ein bodd yn cydweithio gyda chi i ddatblygu rhaglen hyfforddi sy’n gwasanaethu anghenion eich tîm staff, y bwrdd, gwirfoddolwyr neu’r gymuned.

STRWYTHUR

Mae dwy haen i’n cynnig o Hyfforddiant Pwrpasol:

• Ein Cyrsiau Portffolio presennol, a ddyluniwyd i ddiwallu anghenion amrediad eang o sefydliadau ar lefelau profiad gwahanol; gallwn eu cyflwyno i chi a’ch tîm ar ddyddiad ac mewn lleoliad sy’n gyfleus ichi. 

• Ac ein Cyrsiau Pwrpasol, a ddyluniwyd i fodloni cefndir, ysgogiad ac anghenion dysgu grŵp penodol o gyfranogwyr..

Mae’r cyrsiau’n cael eu teilwra’n wahanol ar gyfer cynulleidfaoedd gwahanol, o’r cyrsiau ‘Hanfodion’ ar gyfer grwpiau cymunedol newydd ac sy’n datblygu i’w paratoi gyda’r sgiliau craidd mewn pwnc penodol; at ein cyrsiau ‘Datblygu’ sy’n ystyried pynciau mewn ffordd fwy strategol i helpu ymwreiddio sgiliau ac arfer orau o fewn sefydliadau.

Hefyd mae gennym sesiynau sy’n amrywio o ran hyd ar gyfer cyd-destunau gwahanol, sy’n amrywio wrth ystyried i faint o ddyfnder mae pob sesiwn yn ystyried y pynciau dan sylw: Gweithdy Hanner Diwrnod (3.5 awr); neu Gwrs Diwrnod Llawn (6 awr). Hefyd gallwn gynnig cyrsiau deuddydd, sy’n cynnwys elfen o gynnydd, sesiynau blasu o hyd at 2 awr, neu beth bynnag sy’n addas ichi.

PYNCIAU

Ymhlith y pynciau yn ein Portffolio presennol mae:

• Ceisiadau a Strategaeth Codi Arian
• Cyfryngau Cymdeithasol a Marchnata
• Diogelu
• Llywodraethu
• Rolau a Chyfrifoldebau Ymddiriedolwyr
• Recriwtio a Rheoli Gwirfoddolwyr
• Cyrraedd a Chynnwys Siaradwyr Cymraeg
• Cynlluniau Busnes a Chynllunio Strategol
• Adeiladu Tîm a Rheoli Staff
• Hanfodion Cyllid ar gyfer Sefydliadau Bach

Os nad ydych yn gallu gweld yr hyn sydd ei angen arnoch yn y rhestr uchod, croeso ichi gysylltu â ni ynghylch datblygu cwrs pwrpasol ar gyfer eich tîm. Ymhlith esiamplau o bynciau cyrsiau diweddar mae:

• 'Ymgysylltu â Rhanddeiliaid trwy ddulliau Canolbwyntio ar yr Unigolyn'
• 'Mesur Effaith eich Gwaith'
• 'Creu Sefydliad Cadarn'
• 'Sut i gael hyd i Wirfoddolwyr Gwych a gofalu eu bod yn Cael eu Gwerthfawrogi'

PRISIAU

Fel y gwelwch, yn debyg i’n rhaglen hyfforddi agored, mae gostyngiad sylweddol ar gael i Aelodau PAVO. Mae ymaelodi’n rhwydd ac am ddim, a gall unrhyw sefydliad dielw ym Mhowys ymaelodi. Felly, os nad yw’ch sefydliad yn aelod eisoes, gellir ystyried ymaelodi trwy ddilyn y ddolen yma: https://www.pavo.org.uk/about-pavo/join-pavo.html

Mae’n rhaid inni godi ffi gystadleuol ar gyfer ein Hyfforddiant Pwrpasol er mwyn helpu talu ein costau, ac i sybsideiddio’r rhaglen hyfforddiant agored.  Er hynny, mae PAVO ar gael i wasanaethu’r Trydydd Sector ym Mhowys ac rydym yn cydnabod y gall Hyfforddiant Pwrpasol / Mewnol wneud gwahaniaeth sylweddol i fudiadau llai. Felly os ydy’r prisiau uchod yn uwch na’ch cyllideb, croeso ichi gysylltu â ni er mwyn trafod ffi sy’n dderbyniol ichi efallai.

CYSYLLTU

Ar gyfer unrhyw ymholiadau ar Hyfforddiant Pwrpasol neu Fewnol, gallwch gysylltu â Claire Jones ar 01597 822191 neu drwy training(at)pavo.org.uk