Y Bwrdd Partneriaeth Rhanbarthol sy’n gyfrifol am ddatblygu gwasanaethau iechyd a gofal ym Mhowys er mwyn diwallu’r gofynion a nodir yn Neddf Gwasanaethau Cymdeithasol a Llesiant (Cymru) 2014.
Diben y bwrdd yw rhoi llais i bobl ynghylch a rheolaeth dros, y cymorth a'r gefnogaeth sydd eu hangen i fyw bywydau da. Mae'n ehangu'r gofal a'r cymorth: er enghraifft: gwasanaethau hamdden (pyllau nofio, campfeydd, llyfrgelloedd ac amgueddfeydd) yr un mor bwysig ag iechyd a gofal cymdeithasol.
Mae llawer iawn o waith ar y gweill i gael y pethau hyn yn iawn ym Mhowys.
Mae'r Ddeddf yn golyfgu fod gan bartneriaid ddyletswydd i weithio gyda phobl a phlant, eu teuluoedd a gofalwyr i sicrhau fod cymorth yn eu cefnogi i fyw bywydau mor llawn â phosib. Mae hyn yn digwydd yn ogystal â chefnogi'r unigolion mwyaf bregus o fewn ein cymunedau. Y nod yw diwallu anghenion yn gynt a'r gobaith yw atal/oedi o ran pobl yn gorfod defnyddio gwasanaethau cymdeithasol.
Mae gwaith y Bwrdd yn cynnwys:
Hanfod Deddf Gwasanaethau Cymdeithasol a Llesiant (Cymru) yw gosod pobl a’r hyn sy’n bwysig iddynt yn eu bywydau wrth galon gwasanaethau iechyd a gofal. Y Bwrdd Partneriaeth Rhanbarthol sy’n goruchwylio gwaith ym Mhowys er mwyn cyflawni hyn; pedwar Is-fwrdd sy’ cyflawni’r gwaith yma, sef y Bartneriaeth Dechrau Da, y Bartneriaeth Anabledd, y Bartneriaeth Iechyd Meddwl, a’r Bartneriaeth Pobl Hŷn. Mae’r Bartneriaeth Ranbarthol hefyd yn gyfrifol am sicrhau sut y datblygir nifer o themâu ‘trawsbynciol’ e.e. Gofalwyr, yn ei waith (a gwaith yr Is-fyrddau).
Amlinellir y blaenoriaethau a bennwyd gan y Bwrdd Partneriaeth Rhanbarthol ar gyfer Powys yng Nghynllun Ardal Powys sef y Strategaeth Iechyd a Gofal. Ymhlith blaenoriaethau a chyfrifoldebau’r Bwrdd mae:
I helpu datblygu’r gwaith yma, mae’r Bwrdd Partneriaeth Rhanbarthol hefyd yn gyfrifol am ddyrannu cyllid ‘Cronfa Gofal Integredig’ Llywodraeth Cymru; defnyddir y cyllid yma i gefnogi cyflenwi rhai o’r camau gweithredu blaenoriaeth yn y Cynllun Ardal (Strategaeth Iechyd a Gofal).
Mae gwaith Bwrdd Partneriaeth Ranbarthol Powys wedi cynnwys creu Academi Iechyd a Gofal newydd ym Mhowys, fel rhan o fenter ledled Cymru i gynyddu mynediad lleol i addysg, hyfforddiant a datblygiad ar draws y sector iechyd a gofal cymdeithasol.
Gallwch glywed mwy am Academi Iechyd a Gofal Powys yma: https://cy.powysrpb.org/powyshealthandcareacademy
Carl Cooper (Prif Weithredwr PAVO) a Clair Swales (Uwch Swyddog Iechyd a Gofal Cymdeithasol PAVO)
Amserlen cyfarfod: bob deufis.