PAVO yw Cyngor Gwirfoddol Sirol Powys sy’n cefnogi’r trydydd sector ym Mhowys (trydydd sector yw’r term ar gyfer amrediad o sefydliadau, gan gynnwys sefydliadau gwirfoddol a chymunedol, elusennau cofrestredig a chymdeithasau, grwpiau hunangymorth a grwpiau cymunedol, mentrau cymdeithasol, cwmnïau cydfuddiannol a chydweithfeydd.)
Sefydliad aelodau yw PAVO. Mae aelodaeth ar agor i bob sefydliad a grŵp trydydd sector a Chynghorau Tref a Chymuned ym Mhowys, sy’n gweithio i ddiwallu anghenion trigolion a chymunedau ar draws y Sir. Mae gennym dros 730 o sefydliadau sy’n aelodau, ac rydym yn cael cysylltiad rheolaidd gyda mwy na 1500 o sefydliadau.
Mae PAVO yn atebol i fwrdd ymddiriedolwyr sy’n cael eu hethol gan ein haelodau.
Mae’r aelodau ac ehangder ein gwaith yn tanategu rôl bwysig PAVO o ran darparu llais strategol ac atebol ar ran trydydd sector Powys.
Mae PAVO yn Gwmni Cyfyngedig trwy Warant ac yn Elusen Gofrestredig (Rhif Elusen Gofrestredig: 1069557, Rhif Cwmni Cyfyngedig trwy Warant: 3522144. Swyddfa Gofrestredig: Uned 30, Ystâd Ddiwydiannol Heol Ddole, Llandrindod, Powys LD1 6DF.)
Rydym yn cyflogi staff llawn amser a rhan amser, yn bennaf rhwng ein dwy swyddfa yn Y Drenewydd a Llandrindod.