Gwahoddir ceisiadau am grantiau ar gyfer prosiectau ym Mhowys a fydd yn hybu cynhwysiant cymdeithasol, lleihau tlodi a helpu i ddatblygu a chynnal ein cymunedau a’n pentrefi gwledig.

Mae hyd at £7,000 o gyllid ar gael i gefnogi prosiect trwy Arwain, rhaglen LEADER y sir sy’n ceisio cael trigolion, busnesau a chymunedau i gynnig atebion arloesol i fynd i’r afael â heriau economaidd, cymdeithasol ac amgylcheddol.

Y dyddiad cau ar gyfer ceisiadau yw hanner nos ar 5 Rhagfyr 2021 a rhaid gwario unrhyw arian a dderbynnir erbyn 15 Ebrill 2022.