Pwy all ymgeisio:

Mae’r gronfa’n agored gynnwys grwpiau cymunedol sefydliadau gwirfoddol, elusennau a sefydliadau trydydd sector eraill. Y mae hefyd ar agor i’r bwrdd iechyd, ysgolion, yr awdurdod lleol, cynghorau tref a chymuned, sefydliadau eraill y sector cyhoeddus. Rhaid bod gan ymgeiswyr yswiriant atebolrwydd cyhoeddus priodol ar gyfer unrhyw waith sy’n cael ei gyflawni ynghyd ag unrhyw ganiatâd a chydsynio angenrheidiol i gyflawni’r prosiect.

Maint y gronfa: 

Gall pob prosiect wneud cais am grant o rhwng £2000 a £10,000. Mae’r arian sydd ar gael ar gyfer eitemau/adnoddau/offer Cyfalaf. Os fyddwch yn cynllunio i brynu unrhyw eitem darn unigol o offer/adnodd (yn cynnwys unrhyw waith gan gontractwyr) sy’n costio dros £5000 yna rhaid i chi gyflwyno tri dyfynbris ynghyd â’ch cais. Grant ad-daliad yw hwn; rhaid i ymgeiswyr gyflwyno tystiolaeth o wariant i dderbyn taliadau grant.

Beth fyddwn yn ei ariannu:

Rydym yn chwilio am brosiectau a fydd yn gweithredu mewn modd ymarferol i greu Lleoedd lleol ar gyfer natur drwy greu mannau gwyrdd, gan gynnwys eu creu ar strwythurau ac arwynebau o waith dyn, neu wella mannau gwyrdd sy’n bodoli eisoes. Nid oes raid i brosiectau fod wedi eu seilio ar un safle; er enghraifft, mae’n bosibl y byddwch yn cynllunio cyflenwi prosiect ar hyd a lled tref. Rhaid i safleoedd fod ar dir sydd dan nid-er-elw, rhaid i brosiectau wella byd natur a galluogi cymunedau i gael mynediad at natur yn y fan maen nhw’n byw, gweithio a defnyddio gwasanaethau cyhoeddus. Rhaid i brosiectau fod mewn ardaloedd trefol (mewn trefi a phentrefi neu o fewn pellter cerdded). Bydd blaenoriaeth yn cael ei rhoi i brosiectau mewn ardaloedd sydd wedi eu hamddifadu (yn seiliedig ar Fynegai Amddifadedd Lluosog Cymru) neu brosiectau y bydd cymunedau ag ychydig neu ddim mynediad at fyd natur yn elwa oddi wrthynt.

Rhaid i bob prosiect gyfrannu at o leiaf un o ‘fesurau cymedrol’ Llywodraeth Cymru i:

• Gynyddu plannu blodau gwyllt;
• Cynyddu cyfleoedd tyfu bwyd cymunedol;
• Cynyddu plannu coed lleol;
• Creu coetiroedd dwys ac amrywiol o faint cwrt tenis;
• Creu cynefinoedd mewn gorsafoedd rheilffordd a chyfnewidfeydd trafnidiaeth;
• Annog blodau gwyllt a gwella bioamrywiaeth drwy newid arferion torri glaswellt;
• Creu gerddi synhwyraidd; neu
• Leihau’r defnydd o blaladdwyr.

Rhaid i bob prosiect fabwysiadu ‘egwyddor peidiwch â niweidio byd natur’ gan gynnwys camau fel defnyddio compost di-fawn a gostwng gwastraff plastig yn ogystal â defnyddio rhywogaethau brodorol priodol. Rhaid i ddeunyddiau fod yn addas i’r ardal, mor amgylcheddol gyfeillgar ag sy’n bosibl ac o ffynhonnell leol ble y bo hynny’n bosibl. Rhaid i blanhigion (gan gynnwys coed a blodau gwyllt) fod yn rhywogaethau brodorol ac o darddiad lleol.  

Dylai pob prosiect gael ei gynllunio i gael ei gyflenwi mewn modd sy’n sicrhau cynaliadwyedd hir dymor. Rhaid i ymgeiswyr gytuno i gynnal y safle am bum mlynedd o leiaf a chael cynllun yn ei le ar gyfer gwaith cynnal a chadw yn y dyfodol.  Ni all y nawdd dalu am gostau parhaol cynnal a chadw, atgyweirio a rhedeg ond gellir defnyddio’r nawdd i brynu twls, offer a sied/cwt cadw twls i helpu i gynnal a chadw’r safle(oedd). 

Ymhlith y prosiectau blaenorol, cafodd y canlynol eu creu: gerddi bywyd gwyllt a chymunedol, waliau gwyrdd, gerddi synhwyraidd yn ogystal â chreu lleiniau blodau gwyllt a dolydd blodau gwyllt. Gellir defnyddio’r arian hwn i brynu’r hyn sydd ei angen arnoch i greu lle lleol ar gyfer byd natur, er enghraifft:

• planhigion (coed, llwyni, hadau, bylbiau, tyweirch blodau gwyllt ac ati);
• twls ac offer;
• cynefinoedd bywyd gwyllt (e.e. blychau adar, gwesty gwenyn);
• potiau planhigion;
• compost;
• meinciau;
• bin compost; a
• chasgen ddŵr.

Nid yw’r rhestr hon yn gyflawn, ond y gobaith yw y bydd yn rhoi syniad i chi o beth allai gael ei ariannu.

Graddfa Amser y Prosiect

Rhaid gwario’r arian o fewn y flwyddyn ariannol 2022/23. Rhaid i’r hawliad am grant terfynol, ynghyd â thystiolaeth o wariant, gael ei gyflwyno erbyn 17 Mawrth 2023. Bydd yn ofynnol bod ymgeiswyr llwyddiannus yn cyflwyno hawliadau am grant yn chwarterol a rhaid cyflwyno adroddiad o’r prosiect ynghyd â ffotos, gyda’r hawliad am grant terfynol i ddangos sut y cafodd yr arian ei ddefnyddio.

Dyddiad Cau Ymgeisio

Y dyddiad cau ar gyfer ceisiadau yw 12.00pm 12/06/2022. Bydd ceisiadau’n cael eu hystyried gan banel.

Nodwch, os nad ydych chi’n gallu cyflwyno cais cyn y dyddiad cau, ond bod gennych syniad i’r dyfodol ar gyfer prosiect Lleoedd lleol ar gyfer natur yna         e-bostiwch ni i roi gwybod i ni. Mae’n bosibl y byddwn yn gallu symud y prosiectau hyn ymlaen yn hwyrach yn y flwyddyn, neu i’r flwyddyn ariannol nesaf os fydd rhagor o arian ar gael bryd hynny.

Nod 'Lleoedd' yw creu Byd Natur ar Stepen eich Drws, ble mae pobl yn byw, gweithio a defnyddio gwasanaethau cyhoeddus. Mae'n canolbwyntio ar ymgysylltu cymunedau i greu a gwella lleoedd ar gyfer natur ac nid er mwyn derbyn natur mewn ffordd oddefol na bod yn arsylwyr arni yn unig. Mae ein llesiant meddyliol a chorfforol yn elwa hefyd wrth dreulio amser ym myd natur.

Rhaglen o'r gwaelod i fyny yw 'Lleoedd' sy'n canolbwyntio ar ardaloedd trefol, yn enwedig ardaloedd sydd wedi eu hamddifadu a/neu'r rheini ag ychydig neu ddim mynediad at natur.  

Hoffai Partneriaeth Natur Powys gynnig y cyfle i bartneriaid, sefydliadau a gwasanaethau wneud cais am arian grant i greu Lleoedd lleol ar gyfer natur ble mae pobl yn byw, gweithio a defnyddio gwasanaethau cyhoeddus.

Mae'r gronfa'n agored gynnwys grwpiau cymunedol sefydliadau gwirfoddol, elusennau a sefydliadau trydydd sector eraill. Y mae hefyd ar agor i'r bwrdd iechyd, ysgolion, yr awdurdod lleol, cynghorau tref a chymuned, sefydliadau eraill y sector cyhoeddus. Rhaid bod gan ymgeiswyr yswiriant atebolrwydd cyhoeddus priodol ar gyfer unrhyw waith sy'n cael ei gyflawni ynghyd ag unrhyw ganiatâd a chydsynio angenrheidiol i gyflawni'r prosiect.

Ffurflen Gais Grantiau Lleoedd lleol ar gyfer natur (Word doc) [919KB]