Digwyddiad Rhwydweithio Dementia Caersws 23/09/25

Fe’ch gwahoddir yn gynnes i fynychu digwyddiad ymchwil a rhwydweithio dementia a gynhelir gan Iechyd a Gofal Gwledig Cymru ac Alzheimer’s Research UK

Yn y digwyddiad, bydd Iechyd a Gofal Gwledig Cymru (IGGC) yn arddangos ei waith cwmpasu ar ofal a chymorth i bobl yr effeithir arnynt gan ddementia yng Nghanolbarth Cymru, ac yna cyflwyniad o ganfyddiadau ymchwil gan ARUK, sy’n gweithio tuag at ddod o hyd i iachâd ar gyfer Clefyd Alzheimer a Dementia.

Anfonwch e-bost isod i gadarnhau presenoldeb

Mae’r digwyddiad yn agored i bawb sydd â diddordeb mewn dementia, boed hwnnw’n bobl sy’n byw gyda dementia, eu teuluoedd a’u gofalwyr, gweithwyr iechyd a gofal proffesiynol a/neu academyddion, yn ogystal â’r cyhoedd yn gyffredinol. Mae croeso i chi rannu’r gwahoddiad hwn ag unrhyw un y credwch a fyddai’n elwa o fynychu, neu â diddordeb mewn mynychu.