Beth yw’r Cynnig Rhagweithiol?
Y Cynnig Rhagweithiol yw darparu gwasanaeth yn Gymraeg heb i rywun orfod ofyn amdano.
Y Prosiect Cynnig Rhagweithiol
Mae Lliwedd Jones, sef Swyddog Datblygu’r Iaith Gymraeg PAVO wedi bod yn datblygu adnoddau i gefnogi mudiadau efo’r Cynnig Rhagweithiol. Trwy ymgynghoriad agos efo’r sector, creodd pecyn adnoddau i roi help llaw i fudiadau darparu mwy o wasanaethau drwy gyfrwng yr iaith Gymraeg.
Pa fath o gefnogaeth mae'r prosiect yn ei gynnig?
Mae swyddog y prosiect wedi bod yn darparu cymorth a chefnogaeth i fudiadau'r trydydd sector yn ogystal â chartrefi gofal ar draws Powys i ddarparu mwy o'u gwasanaethau drwy gyfrwng y Gymraeg.
Trwy ymgynghoriad agos gyda'r sector, mae'r prosiect wedi gallu cefnogi mudiadau gyda:
- Drafftio Cynllun Gweithredu iaith Gymraeg
- Cynnwys y Cynnig Rhagweithiol mewn ceisiadau cyllid
- Cyfeirio mudiadau i arbenigwyr ar gyfer chefnogaeth iaith Gymraeg
- Cefnogaeth gyda marchnata dwyieithog a chyfryngau cymdeithasol
- Sesiynau ymwybyddiaeth ar y Cynnig Rhagweithiol
- Sesiynau dilynol ar y Cynnig Rhagweihtiol
- Canllawiau ar sut i ddefnyddio'r pecyn adnoddau a grëwyd i'r prosiect
- Cymorth arbenigol ar unrhyw ymholiadau sy'n gysylltiedig â'r iaith Gymraeg
Ffurflen Ymgynghori'r Cynnig Rhagweithiol
Isod mae linc i'r Ffurflen Ymgynghori'r Cynnig Rhagweithiol.
Os gwelwch yn dda llenwch y ffurflen ymgynghori isod i ddangos eich ymroddiad i'r Cynnig Rhagweithiol. Bydd y swyddog mewn cysylltiad i gefnogi'ch mudiad gydag agwedd cam wrth gam i ddarparu gwasanaeth yn Gymraeg heb i rywun orfod ofyn amdano.
Y Pecyn Deunyddiau ac Adnoddau Ychwanegol
Pecyn Gwybofaeth y Cynnig Rhagweithiol
Beth yw'r Cynnig Rhagweithiol? Darllenwch y pecyn hwn i weld lle allwch chi gychwyn.
Llyfryn Ymadroddion y Cynnig Rhagweithiol
Dysgwch rai ymadroddion Cymraeg defnyddiol a ddatblygwyd mewn ymgynghoriad â'r trydydd sector. Mae'r llyfr ymadroddion yn cynnwys y Cymraeg, seineg y Gymraeg, a'r cyfieithiad Saesneg.
Ble ydych chi nawr?
Dewch i adnabod gallu eich mudiad gyda'r Gymraeg gyda'r deunydd defnyddiol hwn.
Cardiau Fflach y Cynnig Rhagweithiol
Ymadroddion defnyddiol wrth ddarparu'ch gwasanaethau'n ddwyieithog. Rhowch gynnig ar ychydig dros y ffôn!
Ymadroddion Cymraeg i'ch Cyfryngau Cymdeithasol
Defnyddiwch mwy o'r Gymraeg yn eich newyddion diweddaraf i'r sector.
Mwy o Ymadroddion Cymraeg i'ch Cyfryngau Cymdeithasol
Defnyddiwch fwy o Cymraeg yn eich diweddariadau i'r sector!
Fideos Esboniadol y Cynnig Rhagweithiol
Manylwch ar sut y gallwch chi ddefnyddio'r pecynnau deunyddiau trwy wylio'r rhestr hon o fideos dwyieithog defnyddiol.
