CGGC yn lansio cronfa newydd i sector gwirfoddol yng Nghymru
Mae Cyngor Gweithredu Gwirfoddol Cymru (CGGC) wedi cyhoeddi cynlluniau i sefydlu cronfa annibynnol newydd a gynlluniwyd i ddarparu buddion hirdymor i sefydliadau gwirfoddol ledled Cymru.
Wedi’i hariannu i ddechrau drwy gronfeydd wrth gefn CGGC ei hun, bydd y gronfa’n darparu ffynhonnell gymorth barhaol ac annibynnol i’r sector. Ei nod yw helpu i fynd i’r afael â’r pwysau ariannol parhaus sy’n wynebu sefydliadau gwirfoddol, gan gynnwys rhaglenni grant tymor byr sydd wedi’u gordanysgrifio, galw cynyddol ac anghenion cynyddol gymhleth, a’r prinder o gyllidwyr hirdymor â gwreiddiau lleol.
Mae’r gronfa wedi’i hategu gan egwyddorion sy’n sicrhau y bydd yn darparu gwerth parhaol i gymunedau ledled Cymru.