Cymunedau Cymreig Ffyniannus – Rydym wedi Lansio ein Maniffesto

Rydym yn falch o rannu bod heddiw yn nodi lansiad swyddogol ein maniffesto newydd Cymunedau Cymreig Ffyniannus sydd wedi’i ddatblygu gan gymunedau, ar gyfer cymunedau.

Mae’n nodi’r newidiadau rydym yn credu y mae’n rhaid i Lywodraeth nesaf Cymru eu gwneud i ddatgloi llawn botensial gweithredu dan arweiniad y gymuned.

Dyma ganlyniad misoedd o sgyrsiau, gweithdai a chydweithio â channoedd o bobl sy’n ymwneud â gweithredu cymunedol ledled Cymru, o Lanhiledd i Langefni, ac o Arberth i Shotton. Yr hyn a ddaeth i’r amlwg oedd gweledigaeth bwerus ar gyfer Cymru lle mae gweithredu dan arweiniad y gymuned yn cael ei gydnabod, ei barchu a’i gefnogi.

Mae grwpiau cymunedol ledled Cymru yn chwarae rhan hollbwysig yn y gwaith o gefnogi llesiant, mynd i’r afael ag anghydraddoldeb, meithrin cydlyniant cymunedol a chryfhau economïau lleol. Ac eto, maent yn aml yn gweithredu mewn amgylchedd polisi sy’n cynnig cymorth cyfyngedig ac adnoddau anghyson – gyda phrofiadau amrywiol iawn o ran ansawdd gweithio mewn partneriaeth â’r sector cyhoeddus.

Mae ein maniffesto wedi’i seilio ar weledigaeth o Gymru lle mae gweithredu cymunedol yn cael ei gydnabod, ei barchu a’i gefnogi mewn amgylchedd sy’n:

• yn gwerthfawrogi ac yn rhoi gwerth ar weithredu cymunedol
• yn darparu adnoddau cynaliadwy a pholisïau cefnogol
• yn ymddiried mewn pobl mewn cymunedau i wybod a gwneud yr hyn sy’n iawn iddyn nhw.

Rydym yn eich gwahodd i edrych ar y cynigion polisi yn y maniffesto ac i ymuno â ni i wireddu’r cynigion hynny. Gyda’r gefnogaeth briodol, gall gweithredu dan arweiniad y gymuned ffynnu, gan sicrhau gwelliannau parhaol o ran iechyd, llesiant a chadernid economaidd ledled Cymru. Rhannwch y maniffesto a’r blog â’ch rhwydweithiau, eich cydweithwyr a’ch cymunedau. Po fwyaf o leisiau fydd yn y sgwrs hon, y cryfaf fydd ein hachos dros newid.

Cliciwch yma i ddarllen y maniffesto Cymunedau Cymreig Ffyniannus, neu cliciwch yma i ddarllen ein blog ategol Grym yn y Gymuned.

Diolch i chi am eich cefnogaeth barhaus.