Cronfa Llawr Gwlad Ceiniogau Powys
Mae grantiau prosiectau bach o hyd at £1,000 ar gael i grwpiau lleol. Caiff y rhain eu hariannu drwy gyfraniadau hael gan weithwyr PAVO a Chyngor Sir Powys, yn ogystal â ffynonellau cyllido bach eraill.
Pwy sy’n gallu gwneud cais
- Grwpiau cymwys: Grwpiau cymunedol bach dielw, mudiadau gwirfoddol, ac elusennau sydd wedi’u lleoli ym Mhowys.
- Terfyn trosiant: Uchafswm trosiant blynyddol o lai nag £20,000.
- Gofynion: Rhaid i bob prosiect arfaethedig fod o fudd uniongyrchol i drigolion Powys.
Beth y gellir ei ariannu
Mae’r grantiau’n cefnogi ystod eang o gostau prosiect, gan gynnwys (ond heb fod yn gyfyngedig i):
- Offer a deunyddiau
- Llogi lleoliadau a chostau rhedeg gweithgareddau
- Treuliau gwirfoddolwyr
- Digwyddiadau bach a gweithdai
- Hyfforddiant i staff a gwirfoddolwyr (fel cymorth cyntaf neu ddiogelu)
Sylwer: Ni ellir darparu cyllid ôl-weithredol, ac ni ellir ei ddefnyddio i dalu am gyfrifoldebau statudol.
Dyddiadau Allweddol
- Bydd y gronfa’n cau i geisiadau ar 9 Rhagfyr am 10:00yp
- Dyddiad dechrau prosiectau: 1 Mawrth 2027
- Dyddiad cau ar gyfer gwario: Rhaid gwario’r cyllid i gyd erbyn 30 Medi 2027
Blaenoriaethau Prosiect
Rhaid i bob prosiect alinio ag o leiaf un o brif flaenoriaethau’r gronfa.
- Iechyd a Gofal Cymdeithasol: Lles corfforol, mynd i’r afael ag unigrwydd, cefnogaeth i bobl â dementia
- Plant a Phobl Ifanc: Clybiau ieuenctid, chwarae anffurfiol, gweithgareddau sgiliau
- Iechyd Meddwl a Lles: Cefnogaeth gan gyfoedion, sesiynau galw heibio, mentrau sy’n ymwneud â natur
- Cludiant Cymunedol: Gyrwyr gwirfoddol, costau mini-bysiau, atebion ar gyfer cludiant lleol
- Datblygu ac Adfywio Cymunedol: Mentrau lleol, mannau cymunedol
- Diogelwch Bwyd a Digartrefedd: Banciau bwyd, pantris, prydau poeth, cefnogaeth i bobl ddigartref
Ydych chi’n barod i wneud cais?
Gwnewch gais am Gronfa Llawr Gwlad Ceiniogau Powys
CYM Word version Ffurflen Gais Cronfa ‘Ceiniogau Powys’ ar gyfer y Lefel Leol 27
Am fwy o wybodaeth, neu i drafod cais, cysylltwch â ni drwy e-bostio grants@pavo.org.uk neu ffonio 01597 822191