Mae hon yn un o gyfres o raglenni datblygu arweinyddiaeth cenhedlaeth newydd a gynigir gan Clore Social Leadership. Fel bod y rhaglen yn rhoi’r gwerth gorau, rydym yn cynnal ymchwil er mwyn cael dealltwriaeth ynglŷn â sut i deilwra’r rhaglen i Gymru, o ran anghenion penodol a’r heriau a wynebir gan ei harweinwyr cymdeithasol a phroffil y trydydd sector. Yn y pen draw, rydym yn disgwyl i’r rhaglen wasanaethu o leiaf 150 o arweinwyr yng Nghymru sy’n gweithio yn y trydydd sector ar wahanol gamau yn eu gyrfa; bydd ar gael i bob arweinydd ym mhob rhan o Gymru; caiff ei chynnal yn gyfan gwbl ar-lein ac ni fydd costau i’r cyfranogwyr.
Er mwyn gallu sicrhau y gellir cyflawni hyn, mae Clore Social Leadership wedi ein comisiynu ni, Eva Trier a Meirion Thomas, i gasglu barn a safbwyntiau arweinwyr yn y trydydd sector yng Nghymru. Rydym felly’n cynnal cyfweliadau â rhanddeiliaid, yn trefnu arolwg ac yn cynnal cyfres o gyfarfodydd grwpiau ffocws. A fyddech cystal â’n helpu i gyrraedd cymaint o arweinwyr o gefndiroedd amrywiol â phosibl?
Gallech ein helpu yn y ffyrdd canlynol:
Rhannu’r arolwg gydag arweinwyr yr ydych yn gweithio â nhw: http://doo.vote/aca574f
Gwneud yn siŵr bod yr arweinwyr rydych yn gweithio â nhw yn gallu cofrestru ar gyfer y grwpiau ffocws i roi eu barn: https://forms.gle/CAGSQQCrKevBRotj8.
Cysylltwch a ni ar post(at)evatrier.co.uk.
Os oes gennych unrhyw gwestiynau am yr ymchwil, cysylltwch â Carrie Cuno (carrie@cloresocialleadership.org.uk) yn Clore Social Leadership.