Cwrdd â’r Cyllidwr: Plant mewn Angen
Yn dilyn ymlaen o lwyddiant y Big Night In a chyllid cyfatebol gan Lywodraeth y DU, mae Plant mewn Angen wedi lansio Grant Camau Nesaf Covid-19. Y rhaglen Camau Nesaf yw rhaglen ymateb Plant mewn Angen y BBC, sydd wedi’i dylunio i roi cymorth i blant a phobl ifanc sydd wedi’u heffeithio gan bandemig COVID-19.
Bydd mudiadau cymwys yn gallu gwneud cais am hyd at £80,000 ar gyfer prosiectau sy’n dechrau ym mis Medi 2020.
Gall y grantiau hyn bara am hyd at 18 mis. Mae’r grant wedi’i ddylunio ar gyfer mudiadau sefydledig sydd eisoes yn gwneud gwaith yn eu cymunedau a thu hwnt.
Mae’n bleser gan CGGC groesawu James Bird, Swyddog Cenedlaethol Plant mewn Angen Cymru’r BBC, mewn digwyddiad ar-lein, Cwrdd â’r Cyllidwr. Bydd James yn rhoi cyflwyniad ar y Grant Camau nesaf ac yn cymryd rhan mewn sesiwn cwestiwn ac ateb gyda’r rhai fydd yn mynychu.