Cadarnhaodd Dirprwy Weinidog y Celfyddydau a Chwaraeon, Dawn Bowden, fod trydydd rownd Cronfa Adferiad Diwylliannol Llywodraeth Cymru yn agor ar gyfer ceisiadau heddiw, ac y tro hwn bydd busnesau a sefydliadau nad ydynt wedi derbyn cymorth o'r blaen o dan y gronfa yn gymwys i wneud cais.
Heddiw, gall ymgeiswyr newydd wneud cais ar wefan Busnes Cymru, lle mae rhagor o fanylion a ffurflenni cais ar gael. Bydd angen dychwelyd ceisiadau erbyn dydd Gwener 11 Chwefror.
I fod yn gymwys, rhaid i fusnesau o'r sectorau digwyddiadau, creadigol a threftadaeth ddarparu tystiolaeth bod eu trosiant o leiaf 50% yn llai rhwng mis Rhagfyr 2021 a mis Chwefror 2022 o'i gymharu â'r un cyfnod yn 2019/20.
Am ragor o wybodaeth, gweler: llyw.cymru/cronfa-adferiad-diwylliannol-cymru-yn-agor-i-ymgeiswyr-newydd
