Ym Mhowys, mae 13 o Gynlluniau Ceir Cymunedol neu Wirfoddol; fe’u lleolir yn: Llanfyllin, Y Trallwng, Machynlleth, Y Drenewydd, Llanidloes, Rhaeadr Gwy, Tref-y-clawdd, Llanandras, Llanfair ym Muallt, Llanwrtyd, Y Gelli Gandryll, Crughywel ac Ystradgynlais.
Asiantaethau Cymorth Cymunedol neu Fiwro Gwirfoddol sy’n rhedeg saith o’r Cynlluniau Ceir Cymunedol, ac maent yn cael eu rheoli gan Bwyllgorau Rheoli’r asiantaethau hynny. Mae’r Cynlluniau’n recriwtio gyrwyr gwirfoddol sy’n defnyddio eu ceir personol i ddarparu’r cludiant o ddrws i ddrws. Mae’r Cynlluniau ar agor i bobl heb fynediad rhesymol at ddulliau cludiant eraill. Ym Mhowys, y flaenoriaeth yw apwyntiadau iechyd, ond hefyd mae’n cynnwys teithiau sy’n bodloni anghenion dyddiol.
Mae’r gyrwyr yn cael hawlio costau teithio ar raddfa hyd at 45c y filltir. Gofynnir i ddefnyddwyr dalu rhai o’r costau neu’r holl gost, ond mae angen cyllid ychwanegol i ddiwallu holl gostau rhedeg y gwasanaeth.