Biwro Gwirfoddoli Crughywel yw'r mudiad cyntaf ym Mhowys i dderbyn cydnabyddiaeth am yr amser a dreulir a'r ymdrech a wneir yn y gymuned, trwy lwyddo i ennill gwobr glodfawr.
Lleolir y Biwro Gwirfoddoli yng Nghanolfan Adnoddau a Gwybodaeth Crughywel a derbyniodd Gwobr Tair Blynedd "Cyngor Gweithredu Gwirfoddol Cymru" (WCVA) sy'n rheoli Buddsoddi mewn Gwirfoddolwyr yng Nghymru.

Dywedodd Nigel Davies, ymgynghorydd gwirfoddoli'r WCVA, “Mae 21 o fudiadau yng Nghymru sydd wedi ennill y wobr hon; ymgeisiodd 12 mudiad ym Mhowys ar ei chyfer, a dim ond un, Biwro Gwirfoddoli Crughywel lwyddodd i'w hennill.”

Mae'r wobr hon yn annog pobl i ddathlu Gwirfoddoli.  Mae hyn yn bwysig, oherwydd mae hanner poblogaeth Cymru'n gwirfoddoli mewn rhyw ffordd neu'i gilydd.  Mae hefyd yn dangos proffsiynoldeb y Biwro Gwirfoddoli mewn perthynas â'i wirfoddolwyr.  Seilir y wobr ar bedwar maes rheoli gwirfoddoli, cynllunio cyfraniad gan wirfoddolwyr, recriwtio gwirfoddolwyr, dethol a pharu gwirfoddolwyr ar gyfer cyfleoedd, cefnogi a chadw gwirfoddolwyr.
Rhannwyd y pedwar maes hyn yn chwe cham a 40 o adrannau; lluiwyd y rhain yn sgil ymgynghori helaeth a gwaith peilot gyda mudiadau sy'n ymwneud â gwirfoddoli.
Mae'r wobr yn galluogi mudiadau i adolygu eu dulliau rheoli gwirfoddoli a hefyd dangos eu hymrwymiad i wirfoddoli.
Mae gan Fiwro Gwirfoddoli Crughywel dros 200 o wirfoddowlyr, yn amrywio o 15 - 85 oed, sy'n helpu allan gyda rolau sydd o fudd i'r gymuned trwy brosiectau megis Pryd ar Glud, Cynllun Ceir Cymunedol, Prosiect Gofal Iechyd Parhaus, a Phrosiect Diffibriliwr sy'n cael ei arwain gan Bobl Ifanc.

Dywed Rheolwr Biwro Gwirfoddoli Crughywel,  Kerry Crosfield “Mae gweithio tuag at Wobr Buddsoddi mewn Gwirfoddolwyr wedi bod yn her enfawr, gyda llawer o amser yn mynd ar sicrhau fod ein polisïau, ein gweithdrefnau a'n systemau diogelu i gyd yn gyfredol.Dengys hyn ein bod yn gallu rhoi'r amser, yr ymrwymiad a gofal ar leoliad haeddiannol i'n holl wirfoddolwyr. mae hyn yn dangos ein gwerthfawrogiad am yr amser a'r ymwymiad a gynigir ganddynt i wirfoddoli ar ein prosiectau.  I gychwyn, roedd y gwaith ynghlwm wrth hyn yn hynod anodd ac yn cymryd llawer o amser; fodd bynnag, diolch i gefnogaeth ein Hymddiriedolwyr a phartneriaid megis y WCVA a PAVO darganfuwyd fod yr her wedi bod yn fuddiol inni, ac rydym wrth ein bodd gyda'n llwyddiant i ennill y wobr hon”.

Mae llawer o brosiectau ar y gweill gennym, sydd angen gwirfoddolwyr o bob oed a gallu; dylai unrhyw un sydd am fod yn rhan o'r tîm hwn sy'n tyfu o hyn yng Nghrughywel a'r ardal gyfagos, gysylltu â: Kerry Crosfield ar 01873 812177 neu drwy ebostio: kerryc@volunteerbureau.orangehome.co.uk neu galwch heibio am sgwrs yn swyddfa'r Biwro Gwirfoddoli yng Nghanolfan Adnoddau a Gwybodaeth Crughywel, yn Heol Beaufort, Crughywel.

Ddydd Gwener 24ain Medi 2010, dathlodd Biwro Gwirfoddoli Crughywel a gwirfoddolwyr Prosiect HI-Societygyda pharti i lansio diffibriliwr y dref. Roedd y noson yn llwyddiant ysgubol, gyda chyflwyniad am y prosiect ac arddangosfa ynghylch cynnal bywyd gyda diffibriliwr.

Dywed Kerry Crosfield - Rheolwr 'Hoffwn ddiolch i bawb ddaeth i'n parti lansio, ac yn arbennig i Isobel Toy a Henry Galletta am sefydlu'r prosiect, i Rosie Toy am ddylunio'r taflenni ac wrth gwrs i'n Hyfforddwr Cymorth Cyntaf, Mary Toy. Mae'r prosiect wedi'n galluogi i dynnu sylw at yr angen am ddiffibriliwr sy'n cynnig mynediad i'r cyhoedd yn ein tref wledig a'r pentrefi cyfagos, ac mae'r gymuned leol, Ysgol Uwchradd Crughywel, a'r Cynghorau Tref a Chymuned hefyd yn ein cefnogi.

Rydym wedi hyfforddi 61 o bobl mewn hyfforddiant cymorth cyntaf diffibriliwr,ac rydym yn dymuno parhau â'r prosisect, ac mae gyda ni darged o brynu diffibrilwyr eraill a hyfforddi pobl ym mhob un o'r pentrefi cyfagos.  Mae hwn yn brosiect enfawr, a bydd angen gwneud llawer o waith i godi arian, ond mae 21 o wirfoddolwyr yn weithgar ar y prosiect hwn, ac rwyf yn hyderus y gallwn cyrraedd ein targed.'