Rhaglen wedi'i leoli yng Nghaerdydd yw Heneiddio yng Nghymru sy'n rhedeg cyrsiau ar gydraddoldeb oedran, gan gynnwys cyrsiau achrededig y Brifysgol Agored.

Am fanylion, cysylltwch â Ceri Cryer, Rheolwr y Rhaglen ar 02920 865 902

Llawlyfr hyfforddi dwyieithog: Gellir prynu canllawiau hwylusydd i'r rhaglen Heneiddio yng Nghymru sy'n amlinellu'r dulliau a ddefnyddir ar gyrsiau hyfforddi ac sy'n cynnwys arferion ymarferol.

Siaradwyr, hyfforddiant pwrpasol neu bresenoldeb mewn digwyddiadau allanol ar faterion yn ymwneud â phobl lesbiaidd, hoyw neu ddeurywiol ar gael pe gofynnir. Hefyd mae ysstod o ddogfennau ymchwil a thaflenni dwyieithog i godi ymwybyddiaeth ar gael.

www.stonewallcymru.org.uk neu ffoniwch 02920 237 744

Mae'r BHA wedi llunio arweiniad ysgrifenedig i awdurdodau a mudiadau cyhoeddus fydd efallai'n ymgymryd â gwaith ym maes 'crefydd neu gredau'. Mae'n rhoi gwybodaeth ar ddeddfwriaeth gyfredol mewn perthynas â 'chrefydd neu gredau' ac mae'n cynnwys canllawiau arfer da ar gynlluniau cyflogaeth a chydraddoldeb.

Mae'r BHA hefyd wedi dylunio pecyn cymorth i gefnogi ymarferwyr cydraddoldeb  yn eu gwaith trwy roi arweiniad a gwybodaeth am y 'maes' trwy ymarferion a chyflwyniadau. Gall unrhyw un sy'n gyfforddus yn rhoi cyflwyniadau ei ddefnyddio, a gellir ei gyflwyno i gydweithwyr yn y sector cydraddoldeb, grwpiau 'crefydd neu gredau a grwpiau cymunedol eraill.

Disgrifia Michelle ei hunan fel traws-ddynes. Mae ganddi brofiad personol o'r anghydraddoldebau a'r gwahaniaethau y mae trawsrywolion yn eu dioddef o ddydd i ddydd. Mae ganddi ddiddordeb penodol mewn hyrwyddo derbyniad a dealltwriaeth o drawsrywolion, ac mewn cyflwyno safbwynt trawsrywolion i unrhyw un sy'n fodlon gwrando; i'r perwyl hynny mae hi'n gweithio gyda mudiadau yn trafod yr anawsterau y mae hi a llawer o drawsrywolion eraill yn eu dioddef o ddydd i ddydd.

Mae Michelle wedi llunio ac wedi cyhoeddi taflen (Mehefin 09) 'Transfacts' - casgliad bach o wybodaeth all fod yn ddefnyddiol. Taflen onest a llawn gwybodaeth sy'n hawdd ei llawrlwytho.

Am fwy o wybodaeth a manylion y gost, cysylltwch â Michelle ar 07976 717 242

ebost:michelle@equalitydiversity.org.uk

CD ROM rhyngweithiol yw hwn a luniwyd fel adnodd i athrawon, pobl ifanc a gweithwyr iechyd sy'n dechrau gweithio gyda phobl ifanc Sipsiwn Teithiol, ac sydd am wybod mwy.

Mae'r CD yn cynnwys cyfeiriadau helaeth i astudiaethau, prosiectau ac adnoddau blaenorol er mwyn sicrhau darlun helaeth a chytbwys o'r problemau a wynebir.

Dolen i'r wefan - gellir lawrlwytho copi yma

Mae hon yn ffeil FAWR IAWN IAWN mewn rhaglen weithredadwy (46MB) felly byddwch yn amyneddgar iawn/ewch i wneud paned (os nad ydych ar fand eang, peidiwch â cheisio ei lawrlwytho!)

Neu gellir ofyn am CD (£4.50 y copi, sy'n cynnwys postio a phacio)

www.gypsy-traveller.org/cyberpilots

Yn ymgyrchu dros barch a chydraddoldeb i drawsrywolion, mae'n rhoi cyngor cyfreithiol, hyfforddiant ac ymgynghoriaeth i gyflogwyr a mudiadau, yn ogystal ag ymgymryd â gwaith ymchwil a gomisiynir a chyhoeddiadau.

Gall Press for Change ddarparu'r canlynol i chi a'ch mudiad

• Hyfforddiant perthnasol a chyffrous sy'n bwrpasol i'ch anghenion chi
• Cyngor cyfreithiol ar gydraddoldeb i drawsrywolion a deddfau eraill sy'n berthnasol
• Gwasanaeth Ymgynghori: asesiad effaith; archwiliad cydraddoldeb; adolygu polisi; newid diwylliant
• Cyhoeddiadau pwrpasol

Ewch at eu gwefan www.pfc.org.uk