Fforwm Cludiant Cymunedol Powys
Mae pob cynllun Cludiant Cymunedol (CC) ym Mhowys yn aelod o Fforwm CC Powys. Fforwm yw'r grwp hwn, sy'n cwrdd bob chwarter, ac sy'n gyfrifol am lunio polisiau CC ym Mhowys. Fe'i sefydlwyd ym 1992 ac mae pob cynllun CC a chynrychiolydd ar y fforwm, sydd hefyd yn cynnwys cynrychiolwyr mudiadau gwirfoddol, y Cyngor Sir, a chyrff rhanbarthol statudol eraill. Mae'n derbyn cefnogaeth gan, ac yn cael ei ariannu'n rhannol gan, Gyngor Sir Powys.
Mae Adran CC PAVO yn gweithio gyda'r Fforwm i ddarparu gwybodaeth a chefnogaeth ar holl agweddau ar gludiant cymunedol.
Mae nodau'r Fforwm fel a ganlyn:-
- Dod a mudiadau sy'n gysylltiedig a neu sydd a diddordeb mewn Cludiant Cymunedol ym Mhowys at ei gilydd.
- Trwy ddull o weithio partneriaethol, datblygu darpariaeth well, ar lefel ranbarthol a lleol, a sicrhau fod cludiant cymunedol yn cael ei gydlynu'n well i bobl sydd ag anawsterau teithio oherwydd iechyd gwael, henaint neu anabledd.
- Codi ymwybyddiaeth am faterion ym maes cludiant cymunedol, gan gynnwys cefnogaeth ariannol ar lefel leol, sirol a chenedlaethol.
- Helpu datblygu a rhoi ar waith, arferion da mewn Cynlluniau Cludiant Cymunedol ym Mhowys.
- Lobio dros a gweithio gyda grwpiau eraill i ddatblygu system trafnidiaeth integredig i Bowys.
Ymysg cyraeddiadau'r Fforwm ers ei sefydlu mae'r canlynol:-
- Mewn partneriaeth gyda Chymdeithas Mudiadau Gwirfoddol Powys, parhau i dderbyn cefnogaeth ariannol er mwyn cyflogi Swyddog Datblygu Cludiant Cymunedol a swydd Swyddog Prosiect newydd.
- Cynorthwyo gyda datblygu cynlluniau 'Dial-a-Ride' newydd.
- Cynorthwyo gyda datblygu cynlluniau Cerdyn Tacsi.
- Wedi cyfrannu at sefydlu Cymdeithas Cludiant Cymunedol i Gymru.
- Cydlynu cais am gefnogaeth ariannol 3 blynedd i sefydlu Asiantaeth Hyfforddi ym maes Cludiant.
- Cydlynu cais am gefnogaeth ariannol am 3 blynedd gan y Gronfa Loteri i ddarparu cefnogaeth ariannol barhaol i'r Fforwm a 7 o Gynlluniau Cerdyn Tacsi.
- Cydlynu cais am gefnogaeth ariannol am 3 blynedd i Gronfa Datblygu Rhanbarthol Ewrop ar gyfer y Fforwm CC a Swydd Rheolwr CC.
- Cydlynu cais am gefnogaeth ariannol am 3 blynedd i Lywodraeth y Cynulliad i alluogi 15 o gynlluniau CC i gymryd rhan mewn cynllun peilot tocynnau teithio rhad.
Ymunwch â PAVO
Estynnir gwahoddiad i bob mudiad gwirfoddol a bob grŵp cymunedol ym Mhowys ymaelodi â PAVO. Does dim tâl aelodaeth ... dysgu mwy
Asiantaeth Iechyd Meddwl Powys
Mae Asiantaeth Iechyd Meddwl Powys yn darparu gwybodaeth, cefnogaeth, rhwydweithiau i gynrychioli, cyngor a hyfforddiant i’r Trydydd Sector ar unrhyw agwedd ar wasanaethau iechyd meddwl ym ... dysgu mwy
Plant a Phobl Ifainc
Rhwydwaith i fudiadau a grwpiau sy’n cefnogi, helpu, chwarae a gweithio gyda phlant, pobl ifanc a’u teuluoedd, gan eu helpu i rannu arferion da, cydweithio gyda a chysylltu â Phartneriaeth Plant a Phobl Ifanc ... dysgu mwy
Iechyd, Gofal Cymdeithasol a Lles
Cyfle i ddweud eich dweud a derbyn yr wybodaeth ddiweddaraf ar sut mae’r Trydydd Sector yn cyfrannu at Wasanaethau Iechyd a Gofal Cymdeithasol ym Mhowys ... dysgu mwy
Cludiant Cymunedol
Mae Cludiant Cymunedol yn diwallu anghenion cludiant cymunedau lle na ddiwellir yr anghenion hyn, neu le nad ydynt yn cael eu diwallu’n ddigonol gan gludiant cyhoeddus a/neu fasnachol ... dysgu mwy
Datblygu Cymnunedol
Gall tîm Swyddogion Datblygu PAVO ddarparu cefnogaeth ymarferol i’ch cynorthwyo i helpu datblygu eich grŵp cymunedol a’i weithgareddau ... dysgu mwy
