Mae PAVO wedi ymrwymo i wrthwynebu gwahaniaethu yn erbyn pobl ar sail hil, lliw, crefydd, cenedl, oedran, dosbarth, anabledd, statws priodasol, tueddfryd rhywiol, iechyd corfforol a meddyliol, hanes iechyd corfforol/meddyliol, neu am unrhyw reswm arall. Mae PAVO wedi ymrwymo i gymryd camau positif tuag at hyrwyddo a chynnal tegwch ymysg y rhai sy'n rhannu amgylchfyd gwaith neu sy'n derbyn gwasanaeth. Mae PAVO yn ceisio hyrwyddo'r polisi hwn i unrhyw gorff y mae'n gweithio gydag ef.

Rydym wedi ymrwymo i weithio mewn partneriaeth gyda holl gymunedau Powys, gan sicrhau fod ein holl wasanaethau ar gael i, ac yn cael eu teilwra i fodloni anghenion amrywiol holl gymunedau Powys. Byddwn yn hyrwyddo amrywiaeth ac yn brwydro yn erbyn anoddefgarwch trwy ein gwaith gyda'n holl bartneriaid yn y sectorau cyhoeddus, gwirfoddol cymunedol, annibynnol a phreifat, ar lefel leol a rhanbarthol; gweithredu'n bositif er mwyn atal aflonyddu ac erledigaeth gweithwyr; a sicrhau monitro rheolaidd ac effeithiol ac adolygu gweithredu'r polisi hwn fel ein bod yn gwneud gwahaniaeth, ac yn gwella'n barhaol ein harferion cydraddoldeb ac amrywiaeth.