Gall y busnes o godi arian digalonni rhywun sy'n newydd iddo. Fodd bynnag, dylid ystyried codi arian fel busnes i'r mudiad cyfan, a ni ddylai syrthio ar ysgwyddau unigolyn yn unig. Trwy rannu gwaith penodol ymysg is-grwpiau, gelli rhannu'r baich drwy'r mudiad cyfan.

Os bydd eich mudiad yn penderfynu gwneud cais am gyllid, mae'n bur debyg y bydd angen i chi lunio cynnig sy'n disgrifio'ch prosiect. Dylai cynnig am gyllid:

• Ddisgrifio pwy ydych chi.
• Amlinellu'n glir y broblem yr ydych yn myn di'r afael â hi, a rhoi tystiolaeth (mae hyn yn fwyfwy pwysig)
• Esbonio'r hyn yr ydych yn bwriadu ei wneud gyda'r arian
• Esbonio sut y bydd hynny'n helpu'r broblem / beth fydd yn newid
• Cynnwys gwybodaeth am eich costau

Bydd angen gallu crynhoi eich cynnig ar ddwy ochr o babur A4 oni bai ei fod yn brosiect mawr a chymleth. Hyn wedyn fydd sail unrhyw geisiadau a wneir gennych.

Wrth wneud cais:

• Gofalwch fod eich cais yn diwallu meini prawf cyllido'r ymddiriedolaeth
• Cofiwch ddarparu manylion llawn am yr hyn yr hoffech ei wneud a gofalu eich bod yn cosio'r prosiect yn gyflawn, gan gynnwys cyfran priodol o'r gorbenion. Os bydd yr ymddiriedolaeth yn rhoi meini prawf ar yr hyn y gellir ei hawlio, dylid dilyn y rhain yn ofalus
• Peidiwch â phoeni ymddiriedolaethau i weld sut mae'n cais yn mynd, oherwydd gall hyn amharu ar eich cais
• Ceisiwch fagu perthynas gydag ymddiriedolaeth.  Os byddwch yn derbyn cyllid, dylid ysgrifennu atynt cyn gynted â phosibl i ddiolch iddynt, a'u gwahodd i weld y gwaith a arianwyd ganddynt. Mae ymddiriedolwyr yn cofio'r mudiadau sy'n cadw mewn cysylltiad gyda nhw pan nad ydynt yn gofyn am rywbeth.

I weld y taflenni gwybodaeth ar Gyllido, cliciwch yma.