Cronfa Cymorth Galluogi Cymunedau - Powys

Prif bwrpas y gronfa hon yw cynorthwyo datblygu cymdeithasol a chymunedol. Gall grwpiau a mudiadau gwirfoddol sy'n gallu dangos eu bod nhw'n gyfansoddedig yn iawn, wneud cais am naill ai grantiau 'Cyfalaf' neu 'Refeniw'.

Er mwyn bod mor hyblyg â phosibl, nid oes gan Gyngor Sir Powys restr gyfarwyddol o'r mathau o brosiectau fydd yn denu cefnogaeth ariannol, oherwydd eu gobaith yw ceisio annog creadigrwydd, newydd-deb a datblygiad.

Mae Grantiau'r Gronfa Cymorth Galluogi Cymunedau yn amrywio oherwydd y math o brosiect a ffynonellau ariannu eraill. Fel arfer, byddai uchafswm grant o £15,000 yn cael ei roi i brosiectau neu weithgareddau gan y Sector Gwirfoddol.

Os hoffech wneud cais, mae'r Cyngor yn argymell y dylech gysylltu â'r Swyddog Grantiau Cymunedol i drafod eich prosiect yn fras cyn llenwi ffurflen gais.

Am fwy o wybodaeth a manylion cyswllt, ewch at wefan Cyngor Sir Powys.

Cronfa Deddfau Eglwysi Cymru

Mae'r gronfa hon yn rhoi grantiau dan dri phrif bennawd;

Grwpiau a Mudiadau Cymunedol

Grwpiau a mudiadau cymunedol heblaw am gostau cyflogau a chostau eraill sy'n gysylltiedig â chyflogaeth. Mae'n rhaid i fudiadau fod naill ai wedi'i lleoli ym Mhowys, neu os taw mudiad cenedlaethol neu ranbarthol yw, mae angen gallu dangos y bydd yr arian y gwneir cais amdano yn cael ei ddefnyddio ar gyfer prosiectsy'n benodol i Bowys.

Yr uchafswm grant a roddir fydd 15% hyd at uchafswm o £3,000 o'r costau amcangyfrifedig cyfanswm sy'n gymwys.

Eglwysi a Chapeli

Mae Eglwysi a Chapeli wedi derbyn grantiau ers nifer o flynyddoedd. Fodd bynnag, pwrpas hyn yw cydnabod eu pwysigrwydd fel adeiladau hanesyddol neu fel adeilad pwysig yn yr amgylchfyd lleol, yn hytrach na fel cyfleusterau crefyddol neu enwadol. Yn bennaf, rhoddi grantiau i atgyweirio neu adnewyddu tu allan i'r adeilad. Ni roddir grantiau ar gyfer atgyweirio tu fewn i'r adeilad.

Ni roddir grantiau am fwy na 10% hyd at uchafswm o £2,000 o'r costau amcangyfrifiedig cyfanswm sy'n gymwys.

Unigolion

Unigolion 25 oed a thanno ac sy'n ceisio rhagori mewn meysydd megis chwaraeon, y celfyddydau, gwirfoddoli.

Fel arfer, ni roddir grantiau hyd at ganran penodol, ond fel arfer maent ar raddfa o dua 10% - lleiafswm grant o £50, uchafswm grant o £500.

Am fwy o wybodaeth, a manylion cyswllt, ewch at Wefan Cyngor Sir Powys.